Waterratte steune de water slachtoffers

€111 euvergemaak.

Es Waterratte weite vr wat ut beteikent es de maos oet geit. Eeder kier es ut water hoeg waor kaom ut sjoer us dörrepke in gedreeve. Straote blank en kelders volgelaope. Toen kaom d'n diek en waor ut probleem opgelos. Toch neet.

In '93 en '95 leepe de straote en sommige hoezer weer vol door grondwater. Pompe woorte aongelag um dat weer te veurkoome. Dat heit prima gehollepe. Ouch noe in 2021 want ut groetste gedeilte van de straote bleeve druuch. Oondanks tot ut dörrep geëvacueerd woort (nog noets gebäörd veur hoeg water!!) waor oeteindelek gelökkeg niks aon de hand.

Mer neet in ander deile van Limburg. Klein leuke kabbelende rivierkes woorte opins kolkende watermassa's die door dörrepkes raosde en un gigantische puinhaop achterleet. Luij die bevoorbeeld 5 jaor aon hun hoes gewerrik hadde en ut sjus klaor höbbe, hadde 1,5m water in de hoeskamer stoon en de tuintegels laoge aon de andere kant van ut dörrep. Kinne weer gans opnuij beginne. Café's die sjus weer ginge verdeene nao corona zien nog weijer van hoes noe de ganse hut bedonderd is door un modderstroom en water. De beelde van dat raozend water door de straote laote un geveul van onmacht achter.

Um al die luij, die getroffe zien te hellepe, höbbe veer es Waterratte €111 euvergemaak nao Giro 777. Höb geer dat nog neet gedoon? Laot eur sjariteit ouch blieke en maak get euver. Dat is ut minste wat v'r kinne doen veur ut die errem luij.

225 nrf banners fb 1200x630px

 

 

Sponsorkliks

SponsorKliks, gratis sponsoren!